E presidente Ruso Putin a duna permiso p’e uzo di arma cu tabata uza pa benta abou e vuelo MH17 riba Ucrania na 2014. Esey ta loke e team cu tabata investiga e participacion di Rusia den e incidente dje vuelo MH17, cu ta papia di “prueba solido.”
Segun un team di investigacion, e combersacionnan telefonico interveni entre e empleadonan di gobierno Ruso a mustra cu e poder dje decision riba e apoyo militar ta cay riba e presidente. Na juni 2014, a discuti un solicitud di e separatista Ruso den administracion presidencial na Moscu. E separatisanan a pidi cañon antiaereo di alcance mayor.
Segun e team di investigacion, tin informacion concreto cu e solicitud tabata presenta n’e presidente, y su decision tabata positivo. E decision riba e fuego antiaereo tabata posponi pa un siman “pasobra solamente tin un cu a tuma decision (…), e persona cu t den un cumbre na Francia den e momento ey”, e investigadonan a señala di e combersacionnan. N’e momentonan ey –dia 5 y 6 di juni 2014- Putin tabata n’e conmemoracion di Dia D na Francia.
Ta desconoci si e solicitud tabata referi explicitamente na un sistema Buk. “E bara halto di completa y evidencia conclusivo no ta logra”, e investigadonan di MH17 a skirbi. Ta sigur cu e sistemanan pisa di defensa aereo tabata entrega poco tempo despues, inclui e Buk cu despues a benta abou MH17.
Awe mainta, e familiarnan tabata informa riba e avancenan dje investigacion di MH17. Nan a reuni na Den Haag, unda e team di investigacion tambe a duna un conferencia di prensa.
