Relaciona cu e keho cu a drenta riba e tardansa cu tin pa haya un prome consulta cu specialista di wowo, director di Instituto Medico San Nicola (ImSan), dr. Joel Rajnherc, ta considera masha importante pa e pashent/cliente sa cu tin un caminda cu nan por presenta nan keho pa e wordo trata.
E director ta cuminsa na bisa cu ningun hende gusta haya un keho di e servicio cu ta brinda, pero nunca por satisface tur hende tampoco. Esey kier men cu nan sa cu no ta solamente problema di wowo, pero tur departamento por tin un problema y por tin un pashent/cliente cu no ta echt satisfecho. P’esey tur e organisacionnan grandi tin un funcionario cu t’ey specialmente pa keho; un klachtenfunctionaris.
Na ImSan e funcionario di keho ta Giovanni Jacobs, kende ta un hurista, pero cu tambe a yega di traha den cuido antes, kier men e sa basta bon kico un pashent ta pasa door di dje y e sa di e aspecto legal rond di dje tambe. Segun e director di ImSan, e ta un persona hopi amabel cu ta scucha e problema y trata di busca un solucion.
Por yama e funcionario na 524-8803 of yena e formulario riba nan website: https://www.imsan.aw/complaint-forms/
Pa e relato completo, lesa TREMPAN
