Diabierna merdia a tuma luga develo di e logo nobo di Filomena College MAVO, den presencia di e alumno y docentenan di e scol. Segun directora Raquel Lampe, e evento a bay super bon. Nan tambe ta super contento y emociona cu nan tabata por a mustra por fin e logo nobo cu a bin ta traha riba dje. Tabata un idea cu a dura por lo menos un aña y diabierna por fin por a presenta esaki.
E IDEA
Segun Lampe, nan tabata buscando elemento. A papia cu varios colega, cu e studiantenan mes, treciendo dilanti e vision di e scol, unda kier bay cu e scol. Buscando e elemento aki pa por traha e logo cu ne, a bin topa na diferente momento e anker cu a pop-up den diferente cos.
Loke ta importante cu a mira ta, cu e anker ta un elemento di Santa Filomena, cu t’e patrono di e scol. Fuera di esey, e anker ta representa San Nicolas. Na momento cu a mustra e muchanan, nan a comenta San Nicolas.
E momento ey a incorpora esaki, bin cu un idea hopi creativo, pero tambe hopi significativo pa loke t’e logo aki. Asina ey e anker a presenta.
Pa lesa mas subi TREMPAN.
