Diasabra merdia na El Salvador a tuma lugar e ultimo ensayo y algun grabacion di antesala pa e di 72 edicion di Miss Universe 2023. Bou liderazgo di e hefe di produccion e candidatanan y tambe e maestronan di ceremonia a pasa door di nan ultimo ensayo pa e show di awe nochi. Prensa internacional incluyendo 24ora.com a haya un oportunidad cortico pa por saca potret di e ensayo.
Naturalmente 24ora.com su wowonan a cay directamente riba Karol Croes. A logra di salud’e for di leu y Karol no a duda den saluda cu un smile grandi. E produccion di Miss Universo ta uno hopi grandi cu ta conta cu hopi profesional di exterior cu a biaha specialmente pa ehecuta e proyecto aki. Pais El Salvador a paga 12 miyon di dollar Mericano pa por a haya e derechonan pa e pais ta sede di e certamen.
Sintonisa e certamen cuminsado 9:00 pm ora local di Aruba riba cable.
Pa clientenan di Digital Cable riba canal 61 of 97 of HD na canal 320 of 357, pa clientenan cu tin e Basic International tier por mira esaki tambe na canal 186 of HD 401.
Clientenan di SETAR Complete Y IPTV por mira e certamen na canal 88 y 103 HD of pa cliente cu tin Basic Internacional Tier na canal 36 HD.
Tambe por sintonise live via e plataforma di ROKU.
E cobertura di Miss Universe for di San Salvador ta wordo presenta exclusivamente pa Dufry Duty Free cu un tremendo oferta na su tienda den Caya Principal riba perfume y su RED App unda bo por spaar y uza punto. Tambe SETAR NV : Data y yamada den un solo plan, Hybrid cuminsando for di Afl.55 cu 15GB di Data!
