Aruba, Corsou y Sint Maarten no tin mester di cumpli den 2022 tampoco cu e normanan presupuestario, asina Conseho di Minister di Reino, caminda e cuater pais hunto ta discuti e asuntonan di Reino, a dicidi awe. Esey ta nifica cu dentro di cierto cuadro, nan por saca mas placa cu ta drenta!
E reglanan presupuestario di e paisnan ta legalmente stipula. A palabra cu Aruba, Corsou y Sint Maarten ta percura pa un presupuesto balansa. Como consecuensia di e pandemia di Corona mundialmente esaki no a logra anteriormente den 2020 y 2021. E paisnan e tempo ey a pidi y a haya aprobacion pa desvia di e palabracionnan. E pandemia persistente y tur consecuencia como resultado, ta pone cu e paisnan atrobe ta pidi permiso pa desvia di e rekisito stipula. Nan a bolbe haya e aprobacion ey.
“Mi ta contento cu hunto cu e paisnan nos por a logra yega na e palabracionnan aki”, asina Secretario di Estado, Alexandra van Huffelen di Relacionnan den Reino, a bisa. Hulanda a brinda e paisnan ayudo cu mas of menos un miljard Euro na fiansa di emergencia. Constantemente ta duna sosten tambe pa combatimento di COVID-19. Banda di esey Hulanda a yuda cu por ehempel paketenan di cuminda.
