For di Confederacion Suramericano de Levantamiento de Pesas, Aruba Amateur Weightlifting Association a ricibi un invitacion pa Sr. Hugo Themen bin traha como referee den e Campeonato Sudamericano Sub-15, 17, 20.
Iberoamericano. Copa Tamas Ajan y Buenos Aires Open cu a tuma lugar den e Centro di Alto Rendimiento CENARD den e ciudad di Buenos Aires na Argentina for di 1 pa 8 december 2019. E Campeonato aki tambe tabata clasificatorio pa e Weganan Olimpico na Tokio 2020. Den e Campeonato no menos cu 30 referee internacional a wordo invita pa bin dirigi e campeonato.
E estadia di e referee nan tabata den Hotel Ramada. Tambe tabata tin un participacion grandi di 15 pais na e magno evento aki y e cantidad di atleta tabata 187 cu a participa den categoria di masculino y femenino. Tambe Hugo a participa como delegado pa pais Aruba den reunion di Confederacion Sudamericano de Pesas esaki a wordo teni den e Centro di Alto Rendimiento CENARD na Buenos Aires.
Aruba Amateur Weightlifting Association kier a manda palabra di pabien na Sr. Hugo Themen cu a fungi como referee internacional den e Campeonato Sudamericano Sub-15, 17, 20, Iberoamericano, Copa Tamas Ajan y Buenos Aires Open cu a tuma lugar den e ciudad di Buenos Aires na Argentina
