Un grupo grandi di hues y fiscal na Hulanda ta den un clash cu e Minister di Proteccion Legal, Franc Weerwind. E magistradonan ta bisa “ta basta” y nan ta fada cu e gran falta di personal, presion di trabou y e menasanan cu na ta sigui haya pa motibo di nan trabou. Nan a laga sa cu nan mester proteha nan mes awo.
E hues- y fiscalnan a duna e minister dos siman di tempo pa drecha e situacion y si no, nan lo bay over na welga y lo pone trabou plat. Si esaki pasa e lo ta e prome biaha den e historia di Hulanda cu e magistradonan ta tuma un paso asina drastico. Na Aruba y Corsou esaki no ta asina leu ainda, aunke si ta tende varios señal di corte cu kisas falta personal y cu door di esaki tin biaha e sentencianan ta tarda poco.
