HTC a logra a recolecta e firmanan necesario pa bay eleccion di dia 25 di juni proximo. Miembronan di e partido ta contento di esaki y ta gradicido p’e sosten ricibi. Desde inicio nan a cuminsa para na defensa di pueblo.
Segun lider di partido, Gilbert Webb, nan tabata para eynan straight y a sigui lucha pa bay eleccion. E ta pidi comunidad pa pasa y firma pa partido CURPA, pasobra nan ta uni. Cu pueblo ta uni y p’esey pasa duna nan sosten. E partido ta kere den pueblo di Aruba y lo bay sigui lucha manera nan ta haci esey. Nan lo sigui lucha duro p’e pueblo di Aruba.
Riba media social el a haya hopi view y likes, pero despues di cuater dia a logra. El a indica cu nan tabata sa cu no lo logra di haya e firmanan di biaha. Varios persona a manda nan mensahe y informa cu nan ta traha y ta bay di biaha nan cas, p’esey e partido a percura pa sigui informa con nan tabata para.
Tin cu a critica Webb riba e situacion cu el a pasa aden den pasado cual tabata e problemanan di booth camp. El a reacciona riba esaki y a indica cu e Gilbert di semper ta esun honesto, seriedad y esun cu ta traha p’e bienestar di Aruba. E kier traha pa cosnan cu ta yuda Aruba. El a enfatisa cu “e Gilbert aki cu abo merece p’e cambio di berdad pueblo.” Pa tur esunnan cu ta cherche nan, e ta di pensamento cu nan tin lomba hancho ta sigui duro pa bay dilanti.
