Tabata alrededor di 7:30 pm ora cu a sosode un accidente n’e t-kruising di Fiyostraat cu Pindastraat. E dos autonan envolvi ta un Suzuki Alto color blanco numera A-47143 y un auto sedan color cora sin number. E chauffeur di e Suzuki ta e conocido “Oye” y e chauffeur di e otro auto, color cora, ta trata di e conocido “Honey” di Dakota.
Oye tabata riba su caminda di preferencia, y Honey tabata biniendo tur cu tin for di Fiyostraat. Honey a purba wanta brake pero e no a logra na tempo, consecuentemente a bay den aut’i Oye.
Daño material tabata basta. Oye tabata keha di basta dolor na su brasa. E conocido Oye tabatin tur su papelnan na ordo, mientras cu Honey no tin seguro, plach’i number y su auto no ta gekeur tampoco, pues un trampa riba caya.
Polis a purba interveni entre Oye y Honey, p’asina nan regla entre nan con ta bay cubri e gasto. Sinembargo, e dealmento entre nan a bay den ambiente combina cu grito, insulto y un monton di palabra malo. Na final, nan a tuma number di telefon di otro y lo purba yega na un acuerdo mutuo. Den e caso aki, Oye ta gana, ambulance a trat’e na sitio tambe mirando cu tabata keha di basta dolor di brasa, esaki debi na e impacto fuerte.
