Dialuna atardi, pa mas of menos 6:30 pm, a sosode un problema riba tereno di aeropuerto. Tur cos a cuminsa na momento cu un homber a parkeer su auto den un area no permiti, ora cu el a bay bek na su auto el a topa e truck di takel bayendo cu su auto. E homber a pensa cu si e sinta riba e hood di e auto, nan no lo bay cu ne, pero no tabata e caso.
E homber a cuminsa haci fastioso cu e trahadonan di aeropuerto, el a stroba e proceso di takel p’esey mes a yama polis pa atende cu ne. E tabata un peliger pasobra no por subi caminda si e ta sinta riba e auto. Siguridad di aeropuerto a splic’e kico pa haci pa e por haya e auto bek pero e homber no kier a compronde, pues e tabata purba di scapa e 75 florin.
Despues di un rato, su casa a papia cu ne pa e compronde y pa e baha fo’i e auto. Takelwagen a bay cu auto. E homber y su casa a bay paden cu otro personal di siguridad paden pa e por paga e 75 florin y recupera su auto bek.
