Diabierna, algo pasa di 9:45 di anochi, varios turista canando den vecindario di McDonald’s na Palm Beach, a tuma nota di un Hyundai Getz color blanco, glas getint para banda di e mondi panort di e luga, na un manera sospechoso.
Di biaha nan a yama polis. Rapidamente dos unidad di polis a yega na e luga menciona y cu cautela nan a baha y bay controla e auto. Den e auto nan a bin topa cu un homber morto na soño y cu auto cendi.
Polis a paga e auto y a lanta e chauffeur for di soño. Eynan mes nan a controla si e homber ta ok y tambe si e ta legal of no. Pero tur cos tabata na ordo. Polis a scual e homber, kende tabata un habla Hispano y a splik’e riba e situacion. Polis a dune chens pa e start su auto y bay cas, pa asina e sosega su curpa.
