Diadomingo anochi net algo prome cu 11or un dama desconoci a presenta na warda y a informa polis cu un adicto ambulante tabata haciendo sushi riba e plenchi di santo banda di e edificio. Ora cu polis a bay wak kico ta pasando, nan a bin topa cu un homber desconoci pa nan. E homber no tabata comunica tampoco. Unico cos cu polis por a compronde ta cu e ta for di San Nicolas y cu su nomber ta Herby. Mas dato di e homber polis no por a haya. Na momento cu nan tabata papiando cun’e, e homber a sak den otro y a cay abao. Debi na esaki, e homber a haya un kap na su wenkbrauw robes y tambe el a ricibi un herida bao di su cachete. Ainda, na e momento ey, no por a papia cun’e, pero si e tabata tin pulso. Mirando su situacion y e caida riba su cabes, polis di biaha a informa Central pa manda un ambulance cu urgencia, caminda despues a hib’e na Spoed Eisende Hulp pa tratamento medico avansa. Central a wordo poni na altura.
