Diasabra marduga alrededor di 1:30 am polis a y brandweer a presenta cu urgencia di Blue Residence p’un holor fuerte di gas. Diferente persona a bati alarma p’un holor fuerte di gas den cercania di e condominium. Berdad, ora polis tabata yegando, for di leu caba holor di gas a penetra den e patruya di polis.
Brandweer a bay mesora den accion, a kere cu tabata un escape di gas. Polis tabata riba un standby pa cera caminda y of cuminsa cu e proceso di evacua hende for di e condominium. Esey no tabata necesario, mirando cu tur cos ta mustra cu e holor tabata sali for di e restaurant pega cu e cura di e condominium.
