Diasabra anochi alrededor di 9:20 pm polis a presenta cu urgencia na altura di Paris Restaurant den Wilhelminastraat p’un caso di hincamento. Na yegada di polis a top’un hoben cu hinca na brasa. E tabata sinta cu su grupo ta “chill” y un otro tipo a pasa cu un schroefdraaier y hinc’e di trincion.
Su brasa tabata core hopi sanger. Parce, esun cu a hinc’e tin cabey largo y ta color scur. A cuminsa un buskeda den e area pero no a topa cu ne. Pa su propio siguridad, a bay cu ne warda caminda ambulance a presenta pa brinda atencion medico.