Pasa di 11or a sosode un accidente na e crusada di Tur Dia Food Mart na Tanki Leendert. Polis di trafico a presenta na e sitio pa asina tuma datos. Aki e chauffeur cu e pickup Hilux shinishi a sali for di e crusada banda di panort sin paga tino cu auto ta bin for di banda pabou.
E consecuencia tabata cu e Kia Rio blanco a dal den banda di e Hilux y despues bay pega riba e mata di kwihi. E manehador di e Kia Rio a ricibi slanan na curpa. Ambulance a presenta pa asina traha cu e victima y despues a transporte pa chekeo medico. Daño material ta basta.
