Tabata alrededor di 10:20 pm ora cu a mira por lo menos dos flare bay halto riba lama. Ta un poco mas pabou di Nicky Beach a nota e flarenan aki. Varios di nos reporteronan riba caya tambe a nota e flarenan aki.
Diferente persona, no solamente a yama polis, sino tambe e liña di telefon di 24ora.com pa informa di e situacion cu, na nos turno, a informa polis. A mobilisa mesora varios unidad di polis pa controla den e area di Nikky Beach. E helicopter di polis tambe a cuminsa cu un buskeda riba lama, pero no a topa cu nada iregular.
Personal di Guardacosta a hasta pidi polis pa tira un extra bista riba lama, mirando cu; si tin un boto den problema, e helicopter lo pasa riba nan sin mira nada. Abordo di e helicopter di polis tin ekiponan special, entre otro di “night vision.” A notifica APA y hasta e radar kamer di polis, pero no a nota nada for di normal.
