Diabierna dia 26 di september ultimo, Gobernador di Aruba, Alfonso Boekhoudt, den presencia di Minister Presidente Evelyna C. Wever-Croes, a nombra Harold Désire Malmberg como Officier in de Orde van Oranje-Nassau.
A nombra Harold Malmberg pa medio di un Decreto Real pa su gran contribucion na e sector di turismo di Aruba.
Desde aña 2016 a menciona su nomber riba e Ike Cohen Monument na Plaza Turismo como aprecio pa su contribucion.
Harold Malmberg ta un di e pioneronan tras di creacion y desaroyo di De Palm Tours. Awendia su yiunan ta na timon di e compania.
