Changan Aruba tin varios vehiculo nobo cu a yega. Entre otro un tremendo pickup F70 Hunter 2×4. E tin un potencia di turbo. Ta un pickup completo cu dobel cabina.
Angel Rojas, representante di benta di Changan ta conta cu ta un vehiculo cu abo lo kier habri aña 2022 cu ne.
Esaki ta un hoya di un pickup. Pickup F70 Hunter ta fabrica pa Changan y ta di un diseño comercial pa Pigeot di Francia.
Ta trata aki di un modelo cu hopi potencia, cu 211 horsepower di potencia. Ta un modelo unico y hopi bunita. Por wak e manera un muscle car. Modelo di e F70 Hunter ta uno comodo parti paden cu hopi espacio.
Hopi cliente ta pidi pa e asiento di tela, ya cu e ta mas fresco. Ta un modelo cu por wak e den e showroom situa na LG Smith Boulevard 114.
E Pickup F70 Hunter tin un motor Mitsubishi cu turbo inclui. Tin cu corda cu Changan, prome cu el a cuminsa traha auto, nan a cuminsa traha motor y piesa pa auto, negoshi principal pa hopi aña.
E motornan aki ta Mitsubishi 4K22T, cu ta un motor cu hopi potencia. Adicionalmente e tin un turbo cu ta duna extra poder y spaarmento den fuel. Ta un motor di 2.4 liter.
Prijs ta cuminsa na 49.990 florin, dependiendo di e modelo. Ta motibo suficiente pa bin explora e diferente modelonan cu tin.
Rojas ta splica cu ta financia via banco local. Tin banco cu ta dunando diferente tarifa. Tur cliente cu bin, ta haya un bon guia pa asina yega mas lihe na su vehiculo.
No ta pickup so Changan Aruba tin. Nan tin SUV turbo pa e comunidad di Aruba cu tambe ta di Changan.
Changan ta den e top 10 di auto mas bendi na mundo. Changan ta bende miyones di auto anualmente y awo Aruba tambe tin un agencia di Changan.
Yega na LG Smith Boulevard 114 dilanti di Aruba Ports Authority y e personal ta cla pa yuda bo y cera e deal perfecto pa 2022, habriendo aña cu bo auto nobo.
