Entre 2017 y 2019, doñonan di cas na Hulanda lo tin cu paga pa aña un averahe di 200 Euro mas pa coriente. Esaki ta segun un calculo di Vereniging Eigen Huis (VEH) riba e medidanan cu a wordo estableci riba Prinsjesdag y den e acuerdo di gobernacion nobo.
Belastingnan riba coriente mas halto lo percura pa un energienota mas halto. Medidanan di stimulacion nobo, manera subsidio pa haci e recibo di coriente mas abao, no ta bin na remarca ainda. Pesey parce cu cada cas lo sufri un caida, segun VEH. Ya durante Prinsjesdag ta conoci cu e belasting riba coriente na 2018, lo bay subi cu 70 Euro. Acuerdo di Gobernacion E Gabinete nobo kier pa na 2021, pa den e final di e periodo di e gabinete aki, cas y edificionan nobo no wordo calenta mas cu gas, den e reglamento aki. E ambicion ta pa na 2021, entrega 50 mil cas cu no ta uza cas, anualmente. Fuera di esey ta existi e intension pa converti 50 mil vivienda existente pa aña, liber di gas of hacinan energia-eficiente cu den un termino corto por haci nan liber di gas. Iniciativanan di construccion liber di gas por conta pa yega na un acuerdo financiero, pero esey no ta conta pa e consumidor priva.
Belasting riba uzo di gas a subi Den e acuerdo di gobernacion ta para cu e tarifa di belasting riba energia pa uzo di gas ta bay subi, mientras cu e belastingvermindering pa consumidor ta wordo kita. Esaki lo percura cu e energie nota entre 2017 y 2019 averahe lo bay subi cu 200 euro pa cas. No ta cla ainda con e gobierno nobo aki lo bay sostene doñonan di cas pa bay spaar riba coriente. Segun calculo di VEH, un famia ta paga cu un averahe di uzo di energia mas of menos 570 Euro den 2017 na belasting. E belasting aki lo wordo cobra via e recibo di coriente. Segun e acuerdo di gobernacion, e suma aki lo bay aumenta na 2019, pa mas of menos 770 Euro, un subida di casi 34 porciento.
