Desde 4 aña pasa Selene Kock, habitante di Savaneta, a pidi DIP extension di contract di lease land pa por expande. Aña pasa den luna di october a haci e peticion di tereno pa pone busnan ey riba. Pero DOW mester di e tereno pa finalisa e proyecto di Green Corridor.
Nan ta hayando menasa pa kita e busnan for di e sitio y pone nan otro caminda, pero no tin espacio pa hiba nan. P’esey nan ta surgi director di DIP y e minister concerni pa otorga nan e tereno pa por staciona e busnan di un forma sigur. Kock a splica cu pa un luna largo nan tabata bay tur dia na oficina di DIP. Tambe den pasado nan a acerca ministernan concerni pa pidi audiencia. Te fecha di awe nan no a haya un audiencia cu director di DIP ni minister concerni.
Segun Kock, nan ta riba lista di espera pa un cita. Desde augustus 2016 nan a cuminsa cu e tramitenan pa move e busnan y papelnan di tereno. Nan a pidi pa tereno pa parkeer bus, y ta na altura cu dilanti e keurings local na Barcadera tin hopi tereno liber. E departamento di infrastructura a duna par di opdracht. Nan mes no tin ningun preferencia na e momentonan aki, loke nan mester ta un tereno. Na e momentonan aki nan no tin un solucion y no tin caminda pa parkeer e busnan.