Tabata mas o menos 6’or y mey di diaheubs atardi cu informe a drenta cu lo tin candela na un cas na Zumbo, Santa Cruz. Tambe por a compronde cu e habitantenan tabata purba di paga e candela nan mes, pero tabata tin un tiki problema cu esey.
Un patruya di polis a bay y tambe un truck di bombero pa e adres menciona. A resulta cu un cama cu su corchon a pega na candela y ta sospecha cu lo trata di un kortsluiting den parti di e plafond di cas.
E habitante nan mes a logra saca e corchon for di e cas. Segun e doño di e cas, e cas aki a wordo nombra oficialmente como un monumento, pero actualmente tin algun hende ta bibando den dje.
Despues cu e candela a keda domina, personal di brandweer a controla e candela completamente y principalmente e plafond pa wak si tur cos di berdad ta safe y cu enberdad no tin mas candela.
