Diamars a recorda cu 20 aña pasa Gobierno di Aruba a lanta e departamento Guarda Nos Costa.
Richard Kramers, Director di Guarda Nos Costa, a bay bek den tempo, unda el a recorda cu Guarda Nos Costa a lanta riba iniciativa di ex-Minister di Husticia, Rudy Croes d.f.m. For di esey a cuminsa cu Guarda Nos Costa, cu tabata ex-Vreemdelingendienst di Cuerpo Policial. Pa hopi aِña, e departamento aki a resorta bou di Cuerpo Policial, pero ex-Minister di Husticia, Andin Bikker, na 2019, a zorg pa e departamento haya su identidad riba su mes, y sali completamente for di Cuerpo Policial y los di Inmigracion Aruba. Asina tambe awe, ta celebra e 20 aniversario.
Kramers a sigui bisa cu Guarda Nos Costa no tin un trayecto mucho largo, compara cu e otro departamentonan cu tin hopi mas aña di existencia. Pero e ta un departamento hopi importante pa pais Aruba. Un departamento cu a conoce hopi ‘ups and downs’ den e 20 añanan.
Na comienso di Guarda Nos Costa, Kramers mes tabata forma parti di e staff di e tempo ey, y despues di casi dos aña e ta bek na Guarda Nos Costa, pero e biaha aki e ta encarga cu e maneho diario di Guarda Nos Costa.
Pa un relato mas amplio, lesa TREMPAN.
