Gremionan comercial na Corsou a manda un carta diabierna pa Minister di Financiën Kenneth Gijsbertha, rechasando diferente cambionan di impuesto cu e tin planea di introduci e luna aki. E gremionan comercial a uni tras di algun alternativa pa e medidanan aki. E tema aki ta interesante pa Aruba mirando cu ta parce cu e Gobiernonan na Corsou y Aruba ta pensando den aumenta e mesun tipo di impuestonan y e gremionan comercial na Corsou y Aruba tambe ta pensando den e mesun alternativanan contra e medidanan aki. Aunke cu ta aparenta cu na Aruba gremionan no a logra uni ainda den e tipo di cambionan cu nan ta desea.
For di e carta cu nan a manda por conclui cu e gremionan comercial na Corsou a siña di e ultimo set di medida cu a drenta na vigor na september di e aña aki. E tempo ey Minister Gijsbertha di Finanzas a reclama cu gremionan no a propone ningun alternativa pa e impuestonan cu el a introduci y como tal el a dal bay cu su plan.
Awor gremionan comercial na Corsou ta concreto, uni y preciso den e alternativa cu nan ta propone. E gremionan ta proponiendo pa Gobierno di Corsou introduci un impuesto similar si no ta mescos cu esun cu IMF a recomenda na tanto Aruba como na Corsou. Esta di bin cu un tipo di impuesto indirecto manera BBO pero cu no ta acumula, na Hulanda conoci como un Belasting Toegevoegde Waarde (BTW), na Ingles un Value Added Tax (VAT) pero cu na Corsou aparentemente nan kier yama Algemene Bestedings Belasting (ABB).
Locual por destila di e carta y recomendacionnan di IMF ta cu esaki no ta e mesun ABB cu ta uza na Boneiro, Saba y St Eustatius. IMF ta skirbi den su ultimo Article iv mission report pa Corsou: The authorities should consider broadening the ABB’s base to domestically produced goods in conjunction with a comprehensive tax offset mechanism, in line with advice from the recent IMF technical assistance mission.
Ta conoci cu IMF a bishita tanto Aruba y Corsou recientemente pa propone un reforma fiscal hopi amplio, pero parce cu Gobiernonan na Aruba ni Corsou no tin intencion di sigui e consehonan di IMF y como tal awor e gremionan, en todo caso esunnan na Corsou a dicidi di tuma e iniciativa riba nan mes pa insisti cu e recomendacionnan di IMF ta wordo sigui, en todo caso pa locual ta trata e impuesto indirecto.
E rapport di IMF riba e reforma fiscal di Aruba por wordo lesa akinan:
https://www.imf.org/en/Publications/CR/Issues/2018/12/18/The-Kingdom-of-the-Netherlands-Aruba-Technical-Assistance-Report-Towards-a-Sustainable-Tax-46463
E ultimo Article IV mission staff concluding statement pa Corsou por wordo lesa akinan:
https://www.imf.org/en/News/Articles/2019/12/02/mcs120219-the-kingdom-of-the-netherlands-curacao-and-sint-maarten-staff-concluding-statement
E carta di e gremionan comercial pa Minister di Finanzas por wordo lesa akinan:
Loading…
Reload document 
Open in new tab 
