Gabinete Wever-Croes II a manda yama reunion cu gremio comercial diahuebs atardi despues di nan anuncio abrupto di e posponemento di BTW pa 2024 y un aumento di BBO na 7.5%. E encuentro a tuma luga den sala di conseho di minister cu presencia di Prome Minister Evelyn Wever-Croes y vice-Prome Minister Ursell Arends, mientras cu, segun informacion obteni, minister Xiomara Maduro, como titular di Finanzas y mr. Geoffrey Wever di cartera di economia, no tabata presente.
E conclusionnan principal di e reunion, cu segun palabra di presidente di KVK, mr. Monica Kock, a tabata den un esfera ameno, ta cu un aumento di 1.5% door di e caracter acumulativo di BBO, lo ta e realidad 8.1% pa schakel.
Ademas di esey e no ta efectivo den e aspecto di cumplimento y ta motiva e consumidor pa cumpra den exterior. Pa e motibonan aki, comercio a propone na gobierno pa aplica e BBO solamente ora cu e producto ta drenta na frontera. Di e manera ey ta cobra un solo biaha y ta percura cu tur hende ta paga igual.
Pa e relato completo, lesa TREMPAN
