STT a yama su miembronan pa drenta den accion pa un ora largo, pa asina aki mustra e malcontento cu tin relaciona cu e recorte di 12.6%.
Diaranson, esaki ta un di e ultimo accionnan cu a tuma luga parti atardi, pa asina e trahadonan cu ta sostene sindicato STT, cu ta un gran mayoria di trahado di SETAR, a pone trabao abao.
Ya caba prome minister a indica cu ainda no lo revoca e 12.6%. P’e motibo aki mes varios sindicato no ta optando pa sigui negosha cu gobierno.
Mirando esaki, e sindicatonan a yama un dia di accion nacional. Den e caso di e miembronan di STT, nan a reuni pafo di e edificio di administracion di SETAR na Sero Blanco.
Algun siman pasa tabatin negociacion andando cu gerencia di SETAR, como tambe e sindicato STT pa loke ta un performance bonus. Tambe minister Geoffrey Wever a anuncia diferente di e cosnan aki, varios punto treci padilanti p’e trahadonan di SETAR, mirando cu e compania no a haci un ganashi.
E aña aki toch a mustra cu a logra algo. P’e motibo ey tambe gerencia a laga sa cu lo purba di wak si por compensa e trahadonan.
Sinembargo no ta kita cu e trahadonan di SETAR ta solidario cu e accion y mustra nan malcontento pa un ora largo.
Pa un cobertura mas amplio lesa e edicion di TREMPAN di mañan.
