Den fin di siman tra’i lomba, a tuma luga e Festival Un canto pa Aruba, su Himno y Bandera.
Aaron Arenas, organisado di e Festival Un Canto pa Aruba su Himno y Bandera a cuminsa na bisa cu a premira cu e festival lo ta uno completamente virtual. Nunca a spera cu den dos siman di tempo lo mester a activa tur partner, stakeholder, tur hende, organisa reunion y tambe manda carta.
Pero esaki a duna su fruto, mirando cu diasabra tabata tin 19 cantante y 5 agrupacion musical. A pesar di e tempo cortico, toch ta un orguyo di wak asina hopi cantica nobo dedica na Aruba, su Himno y Bandera.
Sigur ta di admira cu, a pesar di e tempo cortico, tabata tin cancionnan di calidad, unda cu nos muchanan como tambe nos hobennan a sa di trece cancionnan di calidad padilanti.
Pa a subi escenario, ya caba tur participante ta un ganado. Tempo pa train tabata cortico, a pesar di scol, hobby of sport, nan a persevera pa nan participa den e festival. Esaki ta demostra cu nos cultura t’ey pa largo.
E cuerpo di hurado sigur sigur tabata tin un dolor di cabes pa saca e ganadonan. Siguientemente, e resultadonan segun nan categoria
Categoria Infantil 4 pa 6 aña
Ganado absoluto: Qu-Lainy Jansen
Titulo di su cancion: E shimis di mas bunita
Ritmo: Polka/Tumba
Compositor/Areglista: Jaderick Croes
Agrupacion musical: Shine Music
Categoria Infantil 7 pa 9 aña
Di dos luga: Jaymerson Kelly
Titulo di su cancion: Mi amigo cododo
Ritmo: Danza
Compositor/Areglista: Jason Kelly/Reynold Kelly/Tico Kelly (Ar.)
Agrupacion musical: Sabor Crioyo
Ganado absoluto: Ishem Howell-Brokken
Titulo di su cancion: Ken ta Arubiano?
Ritmo: Danza
Compositor/Areglista: V. Krosendijk/Sidney Simmons/Elton Trimon.
Agrupacion musical: Shine Music
Categoria Hubenil 10 pa 12 aña
Di dos luga: John-Maynard Wever
Titulo di su cancion: Ken ta Arubiano?
Ritmo: Wals
Compositor/Areglista: Anuar van der Linden
Agrupacion musical: Sabor Crioyo
Ganado Absoluto: Stephanie Quant
Titulo di su cancion: Bo mester sinti pa Aruba
Ritmo: Tumba
Compositor/Areglista: Danilo Vrolijk/Jersey Isenia/Frederico Martes
Agrupacion musical: Alma Folklorico
Categoria Hubenil 13 pa 17 aña
Di tres luga: Jorienne Angela
Titulo di su cancion: Ban bati pecho
Ritmo: Wals
Compositor/Areglista: Danilo Vrolijk/Johnny Scharbaay
Agrupacion musical: Shine Music
Di dos luga: Daniella y Gabriella Boasman
Titulo di su cancion:3 palabra (Nos bunita Aruba)
Ritmo: Wals
Compositor/Areglista: Quincy Comenencia/Migy Boss
Agrupacion musical: Sabor Crioyo
Prome luga: Gismary Linarez
Titulo di su cancion: Obra di Dios
Ritmo: Wals
Compositor/Areglista: Lurena Schwengle/Raul Piar
Agrupacion musical: Sabor Crioyo
Pa un relato mas amplio, lesa TREMPAN.