Aruba a mira un otro weekend grandi tras di lomba unda cifra ta mustra cu mas di 9000 turista a yega nos dushi isla, segun Minister Oduber, Dangui Oduber. Riba diasabra a yega un total di 5757 turista via nos aeropuerto di cual 5144 tabata procedente di Estados Unidos. Diadomingo tambe a mira un subida di yegada di turista unda a drenta Aruba 3619 di cual 3000 procedente di Estados Unidos. Merca ta keda Aruba su mercado di mas importante, p’esey semper ta keda monitoria e ruta nan aki di cerca.
Gobierno a tuma e decision cu Aruba ta bolbe bek na normalidad y elimina tur restriccion cu tabata existi. Cu esaki kier focus pa Aruba su recuperacion di turismo pa asina recupera e economia y crea oportunidad nan cu pais Aruba tin mester di dje.
Minister di Turismo y Salud Publico, Dangui Oduber ta satisfecho di mira un weekend caminda hopi turista a yega nos isla. Un weekend cu hopi trabou pa nos taxista, tour operators, restaurant- y tiendanan. Aruba ta recuperando y progresando, y tin tur confiansa cu e aña 2022 ta e aña cu Aruba lo recupera turismo bek na e nivelnan di aña 2019. Turismo ta keda e driver principal di nos economia.
