Diaranson awo lo bay pasa un ley unda cu lo otorga 123 mil florin na Stichting Qredits Microfinancing Nederland.
E noticia aki sigur no ta na agrado di varios parlamentario vooral den oposicion, entre otro mr. Gerlien Croes di fraccion di AVP, kende a comenta riba esaki.
El a comenta cu parce cu e minister di finansa no tabata sa cu mester a pasa un ley prome cu haci donacion cu ta surpasa 10 mil florin.
E parlamentario ta sigui splica cu minister Geoffrey Wever lo bin parlamento pa scapa su colega minister Xiomara Maduro, door di keda personalmente responsabel pa 217 mil florin, cu no a pidi permiso fo’i Parlamento p’e, esaki data di 3 aña pasa. ta donacion cu a haci na Qredits Aruba durante e pandemia.
Tin cu tene na cuenta cu na 2021 tabatin eleccion y Minister Geoffrey Wever a tuma over e cartera di asunto economico fo’i Minister Xiomara Maduro, heredando asina tur loke e cartera aki ta bin cu ne.
“Parlamento a perde conteo di e cantidad di biaha cu Gobierno a gasta placa y actheraf bin regla cuenta via ley pa nan no para responsabel personalmente. Gobierno a bira gasta numa y bin parlamento despues busca un “gedekt te verklaren,” ta loke e parlamentario a comenta.
Ta p’e motibo aki mes, Presidente di Parlamento, mr. Edgard Vrolijk a yama un reunion publico p’asina trata e punto aki, riba peticion haci pa Minister di Asunto Economico, Comunicacion y Desaroyo Sostenibel, mr. Geoffrey Wever.
Segun e punto di agenda, e Ontwerp-landsverordening pa cual ta autorisa e minister pa realisa un donacion n’e instancia aki, como tambe declara e cubrimento di algun donacion anterior realisa pa Land na Stichting Qredits Microfinancing Nederland (IS/357/22-23, fecha dia 16 di december 2022) (ZJ 2022-2023-994).
Loading…
Reload document 
Open in new tab
Loading…
