E compania local Romar Trading no ta haya cu gobierno (minister) ta e instancia concerni pa dicidi si ta duna retiro di trahado of no. Mirando e negativa di Departamento di Labor pa tuma peticionnan di e compania, cu tambe ta afecta pa e pandemia, a dicidi di bay Corte.
Diamars mainta tabatin tratamento di e caso sumario unda cu e empresa local a pidi Corte pa ordena Departamento di Labor pa tuma nan peticion di retiro. E ta un situacion dificil cu e compania ta pasando aden, mescos cu diferente otro compania local. No ta keda na discrecion di gobierno pa dicidi esaki. Tin leynan vigente cu ta bisa cual ta e autoridad concerni.
Abogado mr. David Kock a sinti cu e tratamento a bay pa bon y awo ta sinta spera e decision di Corte. Esaki lo ta dia 24 di februari awo den oranan di mainta.
Pa mas informacion di e caso, lesa TREMPAN.
