Den un conferencia di prensa extraordinario yama pa gobierno, a bin varios cambio den e medidanan cu tin na su luga caba. Segun Prome Minister, Evelyn Wever-Croes, tin un total di 12 caso nobo pa dia y e positivity rate ta 9%.
E cantidad di testnan 9 porciento ta haya positivo. Lamentablemente 46 hende a fayece. Ora cu mi ta e cantidadnan aki, ta manehando e crisis y ohala or mantene asina.
Diabierna ultimo a menciona algun medida nobo pasobra a mira un cantidad crecemento den caso. Diahuebs tabatin 21 caso nobo pa dia, e siman prome tabata tin 15, e siman prome cu esaki e 10 tabata dies caso. Segun e prome mandatario ta mira cu ya awor aki ta mirando miho resultado. Esey a pone cu a revisa algun decision di siman pasa.
Tin varios flexibilisacion cu a tuma luga entre otro cu e musiconan. Tambe un die puntonan cu a flexibilisa ta personanan cu a drenta den tienda of supermercado caminda cu ta bisa cu di cada famia por bay dos adulto y muchanan cu ta bao di 14 aña. E flexibilisacion aki lo drenta na vigor entrante dialuna awo.
Apart di e puntonan aki cu ta flexibilisa, mirando cu ta sinti cu ta dominando e crecemento di casonan nobo, tin un punto si cu ta preocupa, cu ta e tema di fiestanan clandestino. Sa cu tin hende ta oragnisa fiestanan, cu nan nota permiti. Si ta haci fiesta y cu ta cobra pa entrada, ta contra ley. Autoridad ta actua cu man duro.
Si ta fiesta di famia y bo ta invita hende, esey ta permiti, pero no hacie uno grandi. Ta bay a base di distanciamento social. Ta permiti un cantidad di persona 30 si ta paden y 60 pafo si ta cura hopi grandi. Pero si cura y cas no ta hopi grandi, ta conta e limite di persona cu ta mantene nan e ley di distanciamento social.
Coronavirus ta un enemigo invisibel y hopi cruel. Ta hopi hende a fayece cu tabatin esaki. “Si keda haci manera cu e no ta un riesgo, na januari nos lo ta yorando malay. Ban purba di wanta cu fiestanan clandestino. Na e momentonan aki tin’e domina manera cu e ta wor aki, pero cu un descuido e por sali fo’i man,” e mandatario a bisa.
