Gobierno di Venezuela ta preparando pa bende un cantidad chikito di bara di oro te cu 2.5 gram na e publico. Diadomingo 26 di augustus president Nicolas Maduro a papia riba esaki y e lo ta certifica door di Banco Central. Esaki ta parti di un plan pa stimula spaarmento.
E president a mustra riba e canal estatal dos carchi cu stampia chikito di bara di oro cu e instituto ta haciendo. E president a bisa cu den algun dia nan lo cuminsa ofrece e oro aki den placa local na e populacion. E oferta aki ta parti di un programa economico di cual Maduro ta buscando pa mehora e revenue publico y pa saca e nacion di azeta for di e recesion largo y “hyperinflation”, tumando bentaha di e reserva di oro di e pais.
Cada bes ta topa cu e devaluacion di e placa Venezolano, e poblacion tin poco alternativa di inversion.
E gobierno kier pensionado, ama de casa, negociantenan y profesional di e clase medio pa cumpra oro despues cu Maduro duna e ordo pa aumenta e salario minimo desde september, un medida cu ta representa un carga grandi p’e negoshinan di e pais durante e crisis economico.
E bara di oro ta bin for di Guayana, asina Maduro a splica, e area cu reserva mas grandi di e metal precioso ey unda e Banco Central di Venezuela (BCV) ta cumprando esaki for di e mineria den porcion chikito, segun e president.
