Gobierno di Aruba, por medio di Dienst Openbare Werken (DOW), cu ta resorta bou di Ministerio di Infrastructura di Minister Otmar Oduber, ta bastando un total di 1470 ton di asfalt den e proximo dianan na Alto Vista.
Esaki como parti di e esfuersonan di Gobierno pa mehora condicion di camindanan y pa asfalta areanan cu pa hopi aña tabata caminda di santo.
Ta bon pa enfatisa cu ultimo decada a crea hopi bario nobo, specialmente den districto di Noord, pero construccion di careteranan no a cana man den man cu mas cas. Consecuentemente e habitantenan a biba pa e ultimo añanan den stof, a base diario.
E mandatario a anuncia awe cu e proximo trabou grandi manera Alto Vista, lo ta e caminda di Sero Pita.
