Awe dialuna, 25 di September, 2017, Gobernador di Aruba lo bay ricibi varios persona den cuadro di e formacion di un gabinete nobo. SE Gobernador, Alfonso Boekhoudt, lo reuni enre otro cu presidente di Parlamento y tambe cu presidente di Raad van Advies. Despues su reunionnan cu e diferente lidernan politico lo tuma luga, cuminsando cu e prome minister demisionario, Mike Eman, sigui pa lider di MEP, Evelyn Wever-Croes, lider di POR, Otmar Oduber y lider di RED, Ricardo Croes. 24ora.com naturalmente lo bay tey presente na Oficina di Gobernador, pa asina cubri en bibo despues di merdia, yegada di e diferente lidernan di partido cu lo bay combersa cu S.E. Gobernador.
