E stopmento di e recorte di 5.5% ta un anuncio cu loke e trahadonan den cuido kier a tende. Nan kier haya bek nan placa, pasobra nan a traha duro durante pandemia mientras a bay atras den salario.
Gina Maduro, presidente di Sindicato ABV, a indica di ta contento cu porfin tin un paro di e 5.5% cu a duna un impacto fuerte riba tur trahado cu den pleno pandemia mester a traha extra. Un gran parti di poblacion tabata na cas, mientras cu nan mester a traha extra. Nan tabata expone nan bida pa yuda otro sin e metodo- y formulanan di e remedinan con pa bay combati cu e virus di Covid-19.
E sindicalista a gradici tur trahado cu den tempo duro a traha y entrega. Esey tabata mas dificil, pasobra den pleno pandemia nan mester a entrega salario 5.5%, no a haya aumento salarial y cu inflacion halto. Maduro ta contento cu tin paro riba e 5.5%. E sindicato kier mira e 5.5% bek den salario di cada trahado. Tur a entrega, tur nan salario a bay atras y awor ta tempo pa recupera.
Pa mas lesa TREMPAN.COM.
