Gina Maduro, presidente di ABV, den nomber di e trahadonan di hospital, a pidi pa tur hende bay vacuna. E ta sigui bisa cu segun cifranan durante di e conferencia di prensa di Hospital, ta bisto cu comunidad mester tuma e vacuna, pasobra asina ey ta baha contagio di COVID y tambe ta baha e presion enorme cu tin riba e trahadonan di e specialistanan di hospital. Nan tin mas cu un aña bezig, y cu nan tambe ta hende cu ta cansa. Mester tin esey bao di control. Tin vacuna y e ta gratis, Maduro a agrega. Por tum’e pa baha tur e consecuencianan di COVID.
Una bes cu e malesa yega e pulmon, nos lo ta leu fo’i cas y tambe depende con laat ta bin. Tin hende ta warda ultimo momento na departamento di emergencia, ora cu nan bin, e porcentahe pa ayudo ta baha, cu e consecuencia di morto. Maduro: “Por fabor vacuna. Bay registra y tin e app. Mas hopi vacuna, menos presion Hospital lo tin y menos morto den famia.”
