Aña 2022 tabata uno cu hopi reto. Esaki tabata pa motibo a cuminsa cu e recorte di 5.5% desde april 2020 y te fecha di awe ta sigui. Esey tin tur institucion, henter veld di cuido, den problema financiero.
Gina Maduro, presidente di ABV, a indica tin hopi reto. Como sindicato nan ta representa e miembronan cu ta den SABA, ImSan, Respaldo, hospital, Fundacion Servicio Medico Laboratorio Aruba (FSLMA) y Bloedbank. Desde e pandemia ABV no por cera CAO di termino mas largo. Normalmente prome cu Covid-19, nan tabata cera CAO pa dos of tres aña. Pandemia a bin cu recorte di 5.5%. E protocolnan so nan a cera di un aña y esey ta bin door di insiguridad (onzekerheid).
Desde october 2022 nan ta sinta un biaha mas na mesa pa cera CAO, pasobra tur a vence di tur institucion. Y ainda e recorte ta tumando luga, cual ta stroba nan pa cera CAO di termino largo, unda por trece trankilidad den cas. Cada aña tin un CAO. Segun Maduro, e ta un presion y ta trece inkietud.
