Awe mainta den parlamento a tuma luga un reunion pa trata e ley pa baha tarifa diimpuesto riba importacion di material di construccion como tambe un cambio den e ley di comision di divisa pa exonera Estado Hulandes.
Den cuadro di esaki, mr. Gerlien Croes, parlamentario pa fraccion di AVP a tuma momento pa e expresa cu enberdad e economia di Aruba a crece bek despues di pandemia, pero locual e kier recorda minister di finanzas, esta Xiomara Maduro, kende a splica unda tur placa ta bay, ta cu parlamento ta na altura cu placa ta bay tambe na paga un Lincoln di 150 mil florin cu e minister ta core aden.
Na su turno, minister di finansas y cultura, Xiomara Maduro, a bisa cu “tin hende ta purba lastra bo door di bisa si paso ta core Lincoln di 150 mil florin, señor presidente, mi ta core un Lincoln ta berdad, e ta auto cu ta gelease door di gobierno di Aruba.”
“Mi auto no ta esun di mas caro di ful esun di gobierno den su totalidad, e no ta 150 mil señor presidente, e ta wordo geleased mescos cu tur otro cu mi tabatin.” Pa hustifica mas aleu, Maduro a bisa cu pacolmo e ta lease e auto aki via un compania di comerciante Arubiano, caminda tin Arubanio tambe ta traha pa nan haya fondo pa cria nan mama y nan tata, Maduro a enfatisa.
Pa un relato mas amplio, lesa bo proximo edicion di TREMPAN.