Ger Gift Store na Paradera ta completamente decora den e color di amor, di curason y di Valentine’s Day.
No ta importa si bo presupuesto ta chikito of grandi. Tin regalo for di 5 florin bay ariba. Manera nan ta bista, e gesto ta loke ta conta.
Ella kende ta encarga, a splica cu nan a traha pa por tin regalonan atractivo pa e clientenan cu ta en busca pa regala e persona special den nan bida. E por ta pa bo pareha, pero tambe pa bo ruman, yiu, mama, tata, amiga, amigo, colega, etc. Cu cualkier detaye chikito bo por gana curason di esnan rond di bo.
Mirando e prijsnan cu tin na Ger Gift Store por cumpra regalo pa mas hopi hende. Nan tin cups cu chuculati, otronan cu mangel, tin peluche chikito y grandi, y hasta tin ta bini cu poco chuculati. Box den cual tin un peluche chikito y cos dushi.
Nan ta situa na Paradera 169-B. Si bo ta bini di Santa Cruz, na Pacifico Paradera, bira na man drechi y sigui riba e caminda direccion di Casibari y bo ta topa cu e boutique di regalo aki.
Nan ta traha di 9’or di mainta pa 9’or di anochi. Diadomingo nan ta habri pa tur hende cu kier haci compra di ultimo ora. Pa cualkier informacion, por subi nan Facebook.
Diadomingo awo ta Valentine’s Day y hopi ta esnan cu ta en busca di algo pa e personanan cu nan ta stima.
