Tabata dia 4 di augustus 1997 cu Wendell Bennet a emplea George Bislip na ATCO Aruba den e funcion di “Diesel Mechanic”. El a drenta compania cu un experiencia amplio den e materia, despues cu di a traha 18 aña largo na Gen Air. Durante un celebracion special cu a tuma luga p’e na Balashi Beer Garden, a repasa su añanan di lealtad y disciplina. El a conta den su mesun palabranan cu e gusta locual e ta haci. E ta conoci como un persona cu tin masha respet pa tur su coleganan.
Separa di e forma profesional cu e ta eherce su trabou di tur dia, e ta un persona hopi alegre, cu semper ta cla pa apoya su coleganan y duna un man unda mester. E ta atende tur actividad di compania. E ta casa cu señora Glenda y nan tin un yiu homber. Si tur cos ta bon, otro luna, na december e lo baha cu pensioen. E ta cla pa sigui eherce su hobbynan, esta auto di careda y pisca.
A funda Associated Transport Company na aña 1928, mesun momento cu LAGO Oil a cuminsa su operacion riba nos isla. ATCO a start cu su division di operacion y garashi. Ta pesey, nan inicio tabata mas bien move carga pisa di y pa Exxon (LAGO) Oil Refinery. Awendia, ainda ATCO ta bon conoci pa su division di lanta carga pisa y di transporte, aunke cu nan ta move container tambe y ta yena y compacta tereno.
ATCO ta un di e poco companianan di Aruba, den su division, cu ta certifica pa ISO-9001, ISO-14001 y ISO-45001. Su empleadonan ta profesional y bon conocedo di e materia di carga y transporte pisa y specialisa.
