Durante conferencia di prensa a puntra riba un eventual aumento den prijs comercial, esta butishi di 500 lbs of mas, pasobra e prijs aki no ta subsidia y tampoco controla.
Minister di Asunto Economico, Comunicacion y Desaroyo Sostenibel, mr. Geoffrey Wever, a splica e entendimento cu gobierno tin n’e momentonan aki cu Arugas ta cu e aumento ta conta pa tres luna, p’un kwartaal. A build in tur mecanismo pa por haci e revision na tempo y asina por keda monitor si prijs ta baha, y nan por trece cambio den esey.
Si e prijs comercial ta subi basa riba e desaroyonan internacional si esey tin impacto riba inflacion, el a sigui bisa cu naturalmente ora di importa producto mas caro, vooral ora comerciante ta haya cost of doing business ta aumenta, gasto di operacion ta aumenta. Hopi biaha e ta conta den nan prijs. E ora ey ta bay haya un efecto inflatorio.
Segun e mandatario, si tur hende aumenta nan prijs di producto pasobra nan costo operacional a subi, e ora esey ta haci su efecto den comunidad y ful economia. E ta crea un inflacion.
Normalmente ta haci calculo ora cu e desaroyonan aki sosode, ora cu ta tuma decision y ta impacta economia den su totalidad. Nan ta laga e expertonan calcula kico ta e efecto inflatorio, p’asina nan tin esey semper hopi precies. Nan lo haci esey si mira cu e prijs di gas comercial tambe subi.
Pa mas lesa TREMPAN.COM.
