For di awo, loke tur ta nan autonan 2019 nobo di e marca Hyundai, modelonan di specificamente Eon, Gran I10, Gran I10 sedan, Hyunda Accent y tambe Hyundai Creta SUV, ta bay tin 5% di descuento.
Segun Rodney Kock di e departamento di Mercadeo, ta papiando di por ehempel un auto manera Eon di 20.400 florin, ta hayando un descuento di riba 1000 florin. Tin descuentonan cu ta bay riba 1500 of hasta 1700, dependiendo di e auto cu ta papiando di dje. Ta un descuento sumamente importante cu ta dunando den henter e set di auto di 2019, pa loke ta e modelonan ya menciona.
E ta efectivo for di e momentonan aki. E ta valido no solamente pa loke ta e Autonights, pero e special di RBC. Segun Kock, e descuento a cuminsa na un momento hopi oportuno. Diahuebs awo Garage Centraal ta bay tin su autonight pa luna di Juni. Dia 15 di Juni, RBC ta bay tin su carshow y e oferta aki ta bay ta valido pa e momento ey.Hende tabata puntra kico ta bay tin disponibel pa e temporada aki, Kock a menciona. Y el a agrega cu esaki ta e descuento cu nan lo ta introduccionando for di awo y lo ta coriendo durante e Autonights y tambe RBC su Carshow tambe.
Hyundai ta introduci Summer Specials na Garage Centraal Aruba
Hyundai ta introduci Summer Specials na Garage Centraal Aruba
Posted by 24ora on Thursday, June 6, 2019
Kico por bin cune
Loke ta importante pa bin cun’e si bo kier cumpra bo Hyundai, ta sea ID, Rijbewijs, paspoort. Tambe nan ta pidi bo ultimo dos payslip y si bo ta cobra cada dos siman, cuater payslip. Un carta di trabao. Tambe por pidi un carta di censo of bo ultimo recibo sea di awa of coriente. Esey ta e cuadro basico cu bo tin mester pa bo yega na e financiamento di banco.
Banconan presente
Diahuebs awo, manera custumber, Autonights ta bay tin disponibel un set di banco den Garage Centraal. Esey ta e meta, pa haci lo mas facil posibel pa e clientenan, no solamente pa nan wak e auto cu nan ta desea, sino di biaha tambe pa e parti di financiamento. Ta un procedura cu ta consumi hopi tempo di hende pa bay den banco, tuma bo number, spera pa bo haya e lening. Garage Centraal ta trece esey y haci’e mas facil, di manera cu bo ta wak e auto cu tur trankilidad. No ta bay tin musica, ni nada cu ta distraibo. Ta abo y e team di sales, wak e opcionnan cu tin disponibel p’abo, sino tambe di biaha, bo ta tuma bo papelnan, bo ta bay bo banco di confiansa y riba e mesun anochi, bo ta finalisa e seleccion di bo auto y b’a haci e inicio di bo peticion pa e lening den un solo manda. Bo ta spaar tempo y ta mas practico, Kock a indica.
