Dia di Mama ta den porta y Ling & Sons FoodMarket tin un grandioso campaña prepara pa tur mama di Aruba.
Marlene Maduro, Marketing Director di Ling & Sons FoodMarket, a splica cu nan campaña pa tur mama di Ling & Sons Foodmarket, Oh Mama, ta den colaboracion cu Kooyman y tambe Fun Miles. Tur cliente di Ling & Sons Foodmarket tin e oportunidad pa gana un cushina nobo, c’un balor di 3500 florin. Pero tambe e cliente ta gana 50 mil funmiles cu por uza na Kooyman.
Maduro a sigui bisa cu e campaña aki ta valido pa henter luna di mei y no solamente pa dia di mama. Pa gana e premio ta sumamente facil: haci bo compras na Ling & Sons Food Market y cu cada compra di 75 florin ya caba por participa.
CON PA PARTICIPA
Scan e QRcode na cada caha di Ling & Sons Food Market, registra y manda e potret di e recibo pa asina automaticamente e cliente ta den campaña. Bon noticia pa tur nan miembronan VIP, unda cu nan ta participa dobel pa gana e cushina nobo aki, di Kooyman. E campaña aki ta den henter luna di mei y dia 31 di mei lo saca e gran ganado.
No solamente por gana e cushina na balor di 3500 florin, 50 mil Funmiles y tambe por gana un cadeaubon na balor 500 florin di Ling & Sons Food Market. Dus, no solamente bo por gana e cushina di bo soño, pero tambe un cadeaubon di 500 florin pa yena bo frigidaire den e cushina di bo soño.
FUNMILES
Funmiles tambe ta forma parti di e campaña espectacular di Ling & Sons Food Market unda cu e ganado tambe lo ricibi 50 mil funmiles, cu e lo por haci uzo di dje pa e caba di decora su cushina.
KOOYMAN
Kooyman ta hopi contento di por colabora cu Ling & Sons Food Market pa nan campaña special pa dia di mama, ‘oh, mama’. Asina Reynald Geerman, Representante di Kooyman a cuminsa ta bisa. El a haci un invitacion n’e pueblo di Aruba pa bin haci nan compras na Ling & Sons Food Market.
E ganado lo haya un kitchen cabinet completo, cu su bak’i y su ‘kookplaat’, pa yega y cushina. Un cushina completo pa asina e ganado lo por disfruta y cushina dushi cuminda riba dje.
