Den e rapport di accountant parlamentario Arthur Dowers a mira cu dia 22 di juli 2009 Endy Croes a paga un suma di 2.493 florin na pizza. E manera con a book esaki den administracion tabata “donatie voor sport”. Dowers a comenta cu e tabata un deporte pa nan come pizza. “Nan tabata bestel pizza wak ken ta come mas lihe cu otro pasobra e ta un sport”, asina Arthur Dowers a comenta.
Durante Enfoke e parlamentario a presenta cu varios documento caminda el a lesa e pruebanan. Segun Dowers, ya cu Endy Croes ta sinti cu e por papia di integridad y di tur hende, den e administracion por contradeci su “integridad”. Ademas tin un suma di 221 mil florin a bay na Solo di Pueblo, 74 mil florin a bay pa e radio Top FM, 15.339 florin a bay pa Edmond Croes Broadcasting Company. “E hendenan aki ta raspa nan a raspa”, Arthur Dowers a comenta.
Arthur Dowers a continua bisando cu awo nan ta papia cu “porfin Lotto ta di Aruba” pero ta nan mes a laga Lotto bon bashi. Nan kier e bek pa haci nan cos di sinberguensa bek. Evelyn Wever-Croes a premia Endy Croes door di pon’e riba lista y ademas hacie minister. E parlamentario no por compronde ta con Endy Croes por a bira minister cu e record cu e tin. Ademas di a hacie minister a lag’e encarga cu e compania cu e mes a masacra y maltrata.
