E prome fase tabata firma tabata firmamento di Declaracion di Intencion pa Formacion di Gobierno 2021-2025. Despues di a sinta cu diferente stakeholder, siman pasa un biaha mas a firma Acuerdo di Gobernacion 2021-2025.
Entrega awe esaki na oficialmente, tambe a entrega reparticion di cartera na Gobernador di Aruba, Alfonso Boekhoudt. A dicidi di keda ocho minister. A entrega algun documento di screening na Gobernador Boekhoudt pa asina e proceso cuminsa cana.
MEP lo haya seis minister:
· Minister di asunto general, innovacion, organisacion gubernamental, infrastructura, planificacion teritorial y alabes prome minister
· Minister di finansa y cultura
· Minister di husticia y asuntonan social
· Minister di labor y integracion
· Minister di salud publico
· Minister di enseñansa y deporte
Mientras cu partido RAIZ ta haya dos minister:
· Minister di asunto economico, comunicacion y desaroyo sostenibel
· Minister di integridad, naturalesa, transporte y cuido di grandinan
Pa loke ta e oficina di turismo esey ta bay cay bou di MEP, mientras RAIZ ta bay haya e departamentonan di agricultura y dump.
RAIZ ta contento cu e reparticion di cartera, ya cu esey ta algo cu nan tabata kier. Ursell Arends a indica cu esey ta loke nan a para p’e y nan empeño ta pa brinda comunidad di Aruba un gobierno stabiel p’e proximo cuater añanan. E gobierno aki ta cla pa traha na bienestar di Aruba, segun Arends.