Theodora Gruijters a nace dia 14 di juni 1933. Na edad di diesocho aña el a drenta klooster di e ordo di Dominicanesnan di Bethanië y dia 30 di april 1952 a tuma e nomber di Zr. Hélène Joseph.
Zr. Hélène a traha y biba un periodo cortico den e kinderhuis na Canada prome cu el a muda pa Aruba dia 12 di april 1960.Zr. Hélène a biba y traha na Aruba pa 26 aña den Cas Marijke na Kinderhuis Imeldahof y a regresa Hulanda bek dia 11 di december 1986.
Na Hulanda el a biba basta tempo den Klooster na Teteringen y despues a muda pa Magdalenahof na Haelen, unda cu despues di un periodo cortico di enfermedad, dia 3 di juni 2023 a fayece trankilo den su soño na edad di 89 aña.Nos ta gradici Dios pa tur e añanan di amor y dedicacion cu Zr. Hélène a duna pa e pueblo di Aruba, educando nos muchanan na Imeldahof.
Zr. Hélène semper lo ta recorda pa ta un persona cu a stima Aruba, Kinderhuis Imeldahof, su muchanan y cu semper a keda carga Aruba den su curason door di a keda dirigi su mes na nos den nos idioma Papiamento.Directiva di Fundacion Kapel di Bethania y tur su boluntarionan ta gradici pa e atencion y aprecio cu Zr. Hélène a mustra nos y e sosten cu a duna na nos exposicion- y proyectonan.
