Diadomingo awor Fundacion CINEARUBA ta tene nan casting pa selecta e actornan cu lo bay interpreta e personahenan di ‘E Bola di Fuego’ un comedia auditivo cu ta forma parti di e proyecto ‘Drama den Aire’.
Riba e anochi di 30 di october 1938, Merca a drenta den un panico rotundo na momento cu un radio stacion a reporta e invacion alienigena. Well esaki tabata nada mas cu un ‘radio drama’ titula ‘The War of the Worlds’ dirigi y narra pa e cineasta Orson Welles.
Shown in rehearsal, standing, center background: director Orson Welles; seated, right: composer Bernard Herrmann
NB: directing his Mercury Theatre of the Air troupe, such as created panic on the CBS radio broadcast of The War of the Worlds, October 30, 1938
Antes, mescos cu teatronan, radio stacionnan tambe tabata crea obranan cu actuacion asina yama ‘radio drama’, ‘radio play’ of ‘radio theater’. Den e caso di radio e enfoke ta riba e oido. Durante un obra pa radio e actornan ta lesa nan script y un grupo di personanan ta haci e efectonan di zonido y e musica. Esaki ta precies loke ta bay pasa durante e presentacion di ‘E Bola di Fuego’ unda cu e participantenan lo bay crea e ilusion di un situacion comosifuera realmente e ta pasando. Riba ocho di juli lo transmiti e comedia riba e pagina di Facebook di CINEARUBA, unda cu comunidad lo por scucha e obra en bibo.
Personan cu ta interesa pa actua por presenta riba diadomingo 24 di juni entre 4 pa 8 di anochi na Ateliers ’89 na Dominicanessenstraat 34. Tambe ta posibel pa forma parti di e grupo cu lo crea e efectonan. Pa esaki por manda un email na [email protected]. E proyecto unico aki ta wordo haci posibel danki na Fonds voor Cultuurparticipatie y VNO.
