Pa Fundacion CVA (Cardio Vascular Aruba), aña 2022 tabata un aña fructifero, unda cu e nan tabata tin diferente charlanan cu a conta cu hopi bon asistencia.
Nan a tene varios presentacion na hotelnan, den cuadro di e Siman di Salud, unda cu Fundacion CVA a duna informacion riba e topico di stress y stroke, cu tabata hopi bon atendi. Diasabra e fundacion a tene nan ultimo tayer, den cuadro di e Dia Mundial di Stroke, cual tabata tambe e ultimo tayer di e fundacion p’e aña aki, Azriah Palm, miembro boluntario di CVA a indica. Esaki a tuma luga diasabra ultimo na Club Kibrahacha. Palm a bisa tambe cu e necesidad t’ey pa sigui tene tayer relaciona cu stroke y stress. Otro aña nan lo bin cu algo otro. Palm a sigui bisa cu e necesidad t’ey pa sigui tene tayer relaciona cu stroke y stress.
Mas aleu, Palm a sigui bisa cu hendenan di diferente edad ta bishita nan tayernan, cual ta un bon señal. Stroke no ta mara na edad, ya cu hasta un baby por haya un stroke. Antes, door cu no tabata tin dato, e pensamento tabata ta cu ta hende grandi so ta haya stroke.
Pero aworaki, pro ripara cu ta hasta un mucha por haya un stroke, cual ta algo cu mester ten cuenta cu ne. Stroke ta algo cu mester tene cuenta cu ne, ya cu e por afecta bo manera di biba, depende con pisa bo hay’e. Un stroke por limitabo of si un hende su spirito di lucha ta fuerte, nan ta recupera toch basta bon.
Un persona cu ta bebe como cinco pildo pa dia, lo kier bah’e na sikiera dos pildo pa dia. Pa yega na esaki e ta rekeri di e boluntad propio di cada persona. Bida ta bunita, atende e charla- y tayernan. Tin hopi informacion disponibel, cu hopi hende no ta na altura.
Pa bo salud, bo mester traha tempo pa busca informacion pa preveni malesa. Bo mester ta mas consciente di bo mes curpa, ya cu malesa ta yega n’e momento menos spera.
Por ultimo, Palm a bisa cu den e dianan di fiesta cu ta biniendo proximamente, mester bay dedica extra atencion na kico nos ta come, pa come consciente y no haci dimas. Bo salud ta den bo man, niun hende no por cuid’e p’abo, ta keda na cada ken pa cuida nan mesun salud y pa tin un bida mas largo.
FUNDACION CVA ARUBA
Fundacion CVA Aruba ta e fundacion di Atake Cerebral (Stroke) na Aruba. Nos ta sostene y duna guia na esunnan cu acerca nan. E fundacion ta organisa charla y tambe diferente tayer pa e comunidad, unda cu ta duna informacion tocante stroke y e bida despues di stroke.
