Minister Franc Weerwind di Proteccion Huridico ta haci Boneiro, Aruba y Corsou un bishita di trabou di 21 pa 27 di mei. E bishita ta principalmente den cuadro di cera conoci y den su rol como e persona responsabel pa diferente parti di sistema riba tereno di Husticia y Siguridad. Tambe e ta hiba combersacion tocante e pasado di sclavitud.
Boneiro
E biahe ta cuminsa dia 21 di mei na Boneiro. E minister lo haci un recorido den Justitiële Inrichting Caribisch Nederland (JICN, Instituto Hudicial Caribe Hulandes), y tambe ta bishita Stichting Reclassering. Ademas, riba programa tin un bishita na e proyecto di prevencion “alleen jij bepaalt” (“abo so ta dicidi”) na Jong Bonaire.
Aruba
Dia 23 di mei minister Weerwind ta yega Aruba y gobernador Alfonso Boekhoudt ta ricibi. Hunto cu minister di Husticia y Asuntonan Social Tjon, Weerwind lo bishita Korrektie Instituut Aruba (Instituto di Coreccion Aruba). Tambe tin un combersacion plania cu e procurador general suplente.
Corsou
Lo continua e bishita di trabou na Corsou for di 24 di mei. Aki e minister ta hiba combersacion na Corte Comun di Husticia. Tambe lo tin bishita na Archivo Nacional y Banda Abou. Riba e programa tin tambe un bishita na e facultad di ley y un encuentro cu studiantenan. Ademas, minister Weerwind, hunto cu minister di Husticia Hato, ta bishita Sentro di Detenshon i Coreccion Corsou.
