Diadomingo mainta polis a bay na un adres na Papaya. Un auto a kima. Ora cu polis a yega e personal di Forensys tambe tabata tey. E doño a conta cu e tabata drumi y algo pasa di mey anochi e auto a pega candela. E mes a bay den accion cu su hose di awa na cas y paga e candela. Mainta mas bien a notifica Forensys.
Asina a avisa polis. Ya e momento ey mas cu ocho ora di e sucedido a pasa. Polis a bise pa otro biaha corda avisa mesora. E auto Ford Explorer a haya un corto circuito. Ora cu el a pega candela e sistema di gas di airco a zona duro. Asina e doño a spierta y mira con su auto ta kimando. Full e parti di motor a kima y e auto no ta sirbi mas. Kizas algun pieza di Ford Explorer por usa pero e auto mes lo no core mas mirando cu hopi cos importante a bay perdi.
