Diasabra merdia habitantenan di Palisiaweg a spanta y cera curpa den cas. Nan a spanta pasobra tres cacho di rasa Fila Brasilero a sali keiro drenta diferente cura di cas. A bati alarma na Polis mesora.
Unidadnan di San Nicolas a yega na e adres. Polisnan mes a medio spanta y evita un confrontacion cu e cachonan. E cachonan a crusa drenta diferente cura di cas. Hasta e cachonan a drenta un cura cu tin conenchi y core tras di nan. A pidi presencia di e team special di Polis cu ta atende cu cacho. Nan a presenta.
Nan no tabata asina spanta cu a yega prome na e sitio. A logra domina dos di e Filanan. A pidi pa manda e doño pura pa bin tuma e cachonan. Finalmente e doño a yega y handle cu su mascotanan di cuater pata. Polis a hala su atencion riba e peliger di laga cachonan asina los.
Un situacion asina tin biaha ta pone Polis actua otro y sa tira e cachonan. A handle esaki cu e team special sin causa daño na e cachonan cu por ta un bestia stima pa nan doño.
